Skuggagestir

Lýsing

Sangleikurin “Skuggagestir”, sum Martin Joensen skrivaði í 1990, sigur í orðum og tónum frá einum føroyskum ballingarkvøldi seinast í 80´unum. Vit fylgja nøkrum ungdómum við ymsum meiningum og við ymiskari sosialari bakgrund - teirra práti, skemti, kenslum og vónum. Kærleikin er søtur og samstundis beiskur partur av lívinum, eisini hetta kvøldið. Vit hitta hjúnini Sólrun og Jógvan, foreldrini hjá einum av ungdómunum, ið kenna seg ikki sørt fremmand framman fyri uppvaksandi ættarliðnum – og sær sjálvum, hvør veit? Og meðan sorgarleikur hómast í dimmu havsbrúnni, gongur kvøldið og lívið sína gongd....