Aftur til yvirlit Jarðnáðir
Bókaprát
22.02.2015
Sprotin
Jarðnáðir er ein bók um kærleikan og kærleikans náðir á jørðini. Í bókini verður kærleikin lýstur í mongum brigdum: kærleikin millum makar, millum systkin, millum børn og foreldur og næstingar. Kærleikin til landið og náttúruna. Kærleikin í ymsum mentanum. Í skaldskapi og list.
Hetta er ein ferð um kærleikan og tey kor, kærleikin hevur í tíðini, sum er, og í tíðum, sum vóru, úti sum heima.
Við í egnum lívsroyndum sum grundarlagi skapar høvundurin lesaranum eina mynd av íslendskum samfelagi og íslendskari samtíð sætt úr kærleikans horni, og lýsingin fær sína dýpd við tægrum úr heimspeki, fornfrøði og øðrum mentum – ikki minst kvinnufrøði.
Oddný Eir Ævarsdóttir er millum fremstu samtíðarhövundar í Íslandi. Hon er útbúgvin heimspekingur og skrivaði doktararitgerð á lærda háskúlanum Sorbonne í París. Fyrsta bók hennara kom út í 2000, tað var yrkingasavnið Snjór Hár Piss hjá forlagnum Apaflasa. Síðani hevur hon givið út tríggjar skaldsøgur umframt onnur rit. Skaldsøgurnar eru umframt Jarðnáðir: Opnun kryppunnar (2004), Heim til míns hjarta (2009) og Ástarmeistarinn (2014).
Fyri Jarð-náðir fekk Oddný Eir í 2012 íslendsku kvinnubókmentavirðislønina Fjöruverðlaunin og í 2014 Bókmentavirðislønina hjá Evropa Samveldinum.
Carl Jóhan Jensen hevur týtt bókina úr íslendskum.
Deil á
Vilt tú hava Sprotatíðindi sum teldupost? 
